Пејачот Драган Којиќ Кеба, познат по тоа што и во седмата деценија внимателно го одржува својот изглед и кондиција, откри уште една навика од својата секојдневна рутина. Освен што редовно трча, шета во природа и води грижа за нега на кожата, тој секое утро консумира по една лажица природен препарат што го нарекува „природен антибиотик“.
Како што изјави, станува збор за производ од манастир Поганово, направен на база на бел лук и лимон.
„Нема настинка, една лажица дневно. Тоа е тајната на моето здравје“, посочил Кеба, додавајќи дека овој препарат го користи како превенција.
Манастирот Поганово е подигнат во 1395 година како задужбина на српскиот благородник Константин Дејановиќ Драгаш и важи за значаен духовен и културно-историски објект. Во рамки на манастирот се произведуваат и природни производи, меѓу кои и препарати на база на традиционални рецепти.
Пејачот деновиве има уште една причина за добро расположение – победата на неговиот омилен клуб Црвена звезда во дербито против Партизан. Кеба откри дека низ годините често настапувал за фудбалери, нагласувајќи дека тие се „желни за музика“ поради интензивниот тренажен режим.
Со вакви навики и позитивен став, Кеба вели дека успева да ја одржи енергијата и виталноста, по што и понатаму е препознатлив на сцената.
