Поп-дивата Јелена Карлеуша ги изненади своите следбеници на социјалните мрежи со ретка фотографија со нејзиниот татко, Драган Карлеуша, поранешен полициски инспектор, кој со години живее далеку од очите на јавноста.
Фотографијата е направена на заедничка вечера, а на неа таткото и ќерката позираат насмеани и опуштени.
Иако Драган Карлеуша ретко се појавува во јавност, Јелена неодамна откри интересен и досега непознат детаљ од неговиот живот.
Имено, гостувајќи во музичкото шоу „Пинкови ѕвезди“, Карлеуша раскажа дека љубовта кон музиката ја наследила токму од својот татко. Повод за ова признание била песната „Лола“, која еден од натпреварувачите ја изведувал во емисијата.
– Не знам дали знаете, но мојот татко свирел тапани со групата „Про арте“ токму на песната „Лола“, и тоа многу пред да започне со полициската кариера – откри Јелена.
Групата „Про арте“ е основана во 1967 година од композиторот и клавијатурист Ѓорѓе Новковиќ, а со доаѓањето на Владимир Савчиќ Чоби станува една од најпопуларните на поранешната југословенска сцена.
Во едно од своите поранешни интервјуа, Карлеуша без задршка говореше и за сложениот однос со татко ѝ, откривајќи дека родителите ѝ се развеле кога таа имала само шест години.
– Татко ми го паметам како голем женкар. Го фатив во прељуба и ѝ кажав на мајка ми. Тоа се случи на Ада. Не ми се допадна тоа што го видов – изјави тогаш пејачката.
Таа често отворено зборува и за тешкото детство, проблемите со врсниците и конфликтите што ги имала за време на школувањето, нагласувајќи дека тие искуства силно ја обликувале како личност и јавна фигура.
