Српскиот пејач Саша Ковачевиќ моментално ужива на одмор во Тајланд заедно со својата свршеница Зорана Тасовац. Двојката сподели фотографии на социјалните мрежи, на кои во преден план се нивните затегнати и извежбани тела.
View this post on Instagram
Ковачевиќ на фотографиите позира без маица, истакнувајќи ги извајаните стомачни мускули, а на дел од кадрите се појавува и неговата свршеница. Со нив на одморот е и ќерката на Зорана, Искра, со која пејачот има близок и емотивен однос.
Саша и Зорана се во врска од 2017 година, а се свршија во октомври минатата година. Пејачот и претходно јавно зборуваше за својот однос со Искра, истакнувајќи дека ја доживува како свое дете, иако не е нејзин биолошки татко.
Фотографиите од одморот прикажуваат идилични семејни моменти – од песочни плажи до дружење и хранење слонови, што дополнително привлече внимание кај јавноста.
Кога станува збор за неговиот физички изглед, Ковачевиќ во повеќе наврати истакнал дека практикува строга рутина на вежбање и исхрана. Тој признал дека со месеци знае целосно да се откаже од слатки, а во исхраната главно вклучува риба, пилешко месо и бифтек, додека од пијалаци консумира вода, лимонада и бело вино.
