Пејачот Милан Станковиќ, кој пред неколку години целосно се повлече од музичката сцена, повторно се огласи на социјалните мрежи и предизвика реакции со мистериозна порака.
Станковиќ, кој последниве години се посвети на духовниот живот и често престојува во манастири, на својот профил сподели објава во која стои прашањето: „Како се носити со лоша ситуација?“ На тоа имаше даден само еден одговор – „Да се преспие целиот ден“.
Оваа порака предизвика бројни коментари и загриженост кај дел од неговите обожаватели, кои се прашуваат дали сè е во ред со пејачот.
Поранешната музичка ѕвезда со години ретко се појавува пред јавноста. Наместо тоа, Милан најчесто престојува во манастири, а во јавноста кружат информации дека размислувал и за монашки живот.
Пред неколку години медиумите објавија дека тој се наоѓал во манастирот Подмаине во Црна Гора, но оттаму демантираа дека бил на пат да стане искушеник, нагласувајќи дека таму престојувал единствено заради духовен мир.
