Магазинот „Вог“ објави фотографии од венчавката на 54-годишниот пејач Марк Ентони и 23-годишната учесничка на изборот за Мис Универзум од Парагвај, Надија Фереира, што се одржа на 28 јануари.
Меѓу поканетите на величествената церемонија, одржана во Музејот на модерна уметност во Мајами, имаше многу ѕвездени пријатели на парот – Салма Хаек, Малума, Луис Фонси, Лин-Мануел Миранда, Дејвид Бекам со сопругата Викторија, синот Круз и ќерката Харпер.
View this post on Instagram
Инаку, фустаните на деверушите се направени во ателјето на Викторија Бекам.
Израелскиот бренд Галија Лахав работеше на два од фустаните на невестата. Марк Ентони избра да се појави на прославата во костум на Кристијан Диор.
Надија до олтарот ја одвел таткото на младоженецот, Фелипе Муњиз, на песната „Книга на љубовта“ (The Book of Love).
По размената на заветите, се одржа свечена вечера, на која се служеа парагвајски јадења.
Да потсетиме, ова е четврти брак за Марк Ентони: тој претходно беше во брак со Дијанаре Торес (2000-2004), Џенифер Лопез (2004-2014) и Шенон Де Лима (2014-2017). Пејачот има шест деца. Двајца од нив – синовите Кристијан и Рајан Муњиз од бракот со Торес – дојдоа на свадбата. Децата кои ги има со Џенифер Лопез, не беа присутни на свадбата, како и самата Лопез.
