Игор Дрвенкар, пејачот на „Парни ваљак“ кој го замени покојниот Аки Рахимовски, ќе стане татко.
Тој неодамна ја сподели убавата вест на својот Инстаграм профил, иако дотогаш не се знаеше ниту дали хрватскиот заводник има партнерка.
Тој објави фотографија од патиките на бебето и напиша:
– Отсега па натаму, сите песни ќе имаат ново значење – напиша тој со објавата додека девојката го прегрнува. Оваа вест ги израдува фановите на „Парни ваљак“ кои не престанаа да ги полнат концертите дури и по смртта на Аки.
View this post on Instagram
View this post on Instagram
Овој бенд го одржа својот последен концерт во Белград во салата МТС во ноември минатата година, а тогаш за првпат пред публиката отпеаа нова песна што „Парни ваљак“ ја снимија без Рахимовски.
Во 2023 година, по паузата на бендот поради смртта на Аки, Игор стана нивен нов член. Хусеин Хасанефендиќ Хус, основачот на „Парни ваљак“, рече дека било „невозможна мисија да се замени Аки“, но дека бендот „повторно се смеел“, а публиката добро го прифатила Дрвенкар, кој наскоро ќе се најде во друга нова улога – татко.
