Своја ѕвезда на Булеварот на славните во Холивуд доби и актерката Кортни Кокс.
Таа стана 2.750-та личност што го добила ова признание и со тоа влезе во историјата. Овој момент го овековечија и актерките Џенифер Анистон и Лиза Кудроу, кои глумеа со Кортни Кокс во хит серијата „Пријатели“.
Џенифер Анистон и Лиза Кудроу имаа свое шоу и ја насмеаа публиката додека и оддадоа почит на својата колешка зад подиумот.
„Ние сме многу почестени што сме овде денес да зборуваме во твое име како твои соработници, пријатели, твое семејство, твои сестри, а тоа е така откако те запознавме“, рече Џенифер Анистон.
„Така е откако се запознавме пред речиси 30 години“, рече Лиза пред Џенифер да продолжи.
„Не, не пред 30 години. Тоа е печатна грешка“, се пошегува Анистон и продолжи:
„Да се биде пријател со Кортни значи да се биде семејство со Кортни. Таа е одговорна за сето тоа. Од моментот кога ја запознавме, таа беше веднаш инклузивна, топла, сакана, заинтересирана за сè во врска со тебе“, продолжи Џенифер.
„Кортни, само сакаме да кажеме дека сме длабоко, длабоко горди што те познаваме. Ти си дефиниција за вистинска убавина, талент и што е најважно, навистина добро и пристојно човечко суштество… Ти благодариме што лично ги збогати нашите животи“, рече Лиза Кудроу.
