Адријана Алачки си замина од Македонија, во далечна земја со сосема различна култура и традиција. Познатата водителка и пејачка на социјалните мрежи детално објасни:
-Во посета на Институтот за хотелски менаџмент, кетеринг, гастрономија и туризам, Пуса, Њу Делхи. Без зборови сме, имаат дваесет кујни за практична настава, за слаткарство, пекарство, обработка на месо, топла кујна, предјадење, вегетаријанска , веганска, теорија, гостински соби, амфитеатар, училишен ресторан, итн.
Во тој институт не постојат насоки, туку сите ученици треба да знаат сѐ и во секој дел да се подготвени. Облечени под конец, сите како еден, почитување, дисциплина, ред и знаење. Нѐ импресионираше моментот кога ги видовме нивните насади и ни покажаа дека сами одгледуваат зеленчук и овошје.
Тоа го користат во училишната кујна за свои потреби. Исто така одгледуваат и цвеќе кое го продаваат а парите ги собираат и ги инвестираат во своето школување.
Имаат и своја перална и пеглана каде што самите работат после часовите. Сите зборуваат англиски јазик. Народ кој има почитување и покорност кон сѐ. Вреден народ- напиша водителката на емисиите „Вкусот на традицијата“ и „Везилка“, која како претседател на кулинарското здружение „Гастромак“ го пропатува целиот свет.
Адријана потоа напиша уште една интересна објава:
