Популарната пејачка Николија Јовановиќ со своето семејство поголемиот дел од летото го поминува во Атина, каде од мајка ѝ фолк ѕвездата Весна Змијанац, доби луксузна недвижнина на море. Пејачката своевремено студираше во овој град, поради тоа е многу врзана за него, таму се чувствува како дома и има многу пријатели, пренесува српски „Курир“.
Пространиот стан со фантастичен поглед го одзема здивот. Со оглед на тоа што недвижнината се наоѓа на одлична локација, не чуди што таа и Реља со нивната ќерка таму поминуваат многу време.
Весна и Николија го опремиле домот со прекрасен стилски мебел, ентериерот е топол, а станот удобен. Во склоп на прекрасната градина имаат и базен. Со истенчен вкус за детали, во секој агол на домот се чувствува дека двете дами со уживање го осмислиле концептот на целиот простор.
Тешкиот живот на Весна Змијанац
Иако животот на пејачката Весна Змијанац со децении е под будното око на јавноста, малкумина ги знаат потресните детали од нејзината болна семејна приказна и тешкиот однос со покојната мајка. Зад блескавата кариера и големите хитови се крие судбина исполнета со тага и рани кои никогаш не зараснале целосно.
Кон крајот на есента 1966 година, мајка ѝ ѝ соопштила шокантна одлука, дека штом тргне во училиште, ќе мора да ја напушти и да замине на работа во Виена за да избега од сиромаштијата. Малата Весна тогаш останала без најголемата поддршка во најраното детство.
Нејзините родители веќе биле разведени, а татко ѝ Душан редовно испраќал пари за нејзино издржување. Сепак, парите не можеле да ја надоместат мајчината близина и топлина. По заминувањето на мајка ѝ, грижата за Весна ја презела нејзината баба во населбата Ковачи кај Краљево.
Овој настан оставил длабока трага кај пејачката:
— Она што сигурно го знам е дека јас тогаш во мојата претстава за неа ја изгубив мајката, а таа во мене ќерката. Сè она што подоцна се случуваше не можеше да ја спои таа пукнатина, колку и да се трудевме и јас и таа— изјавила Весна.
