Поранешната потпретседателка на Европскиот парламент Ева Каили, како што јавуваат странските медиуми, наводно дала делумно признание дека побарала од нејзиниот татко Александрос Кајилис да сокрие значителна сума пари во нејзиниот дом, пренесе весникот France soir прецизирајќи дека грчката пратеничка на редовите на европските социјалисти и демократи од 9-ти декември се наоѓа во женскиот оддел на затворот во белгискиот град Харен обвинета за корупција во врска со штотуку завршеното Светско фудбалско првенство во Катар.
„Обвинетата признава дека му наложила на нејзиниот татко да ги сокрие парите“, цитира весникот фрагмент од налогот за нејзино апсење сочинет од истражниот судија Мишел Клез.
Ева Каили ќе биде изведена првпат пред белгискиот суд во четврток 22 декември.
Изворот на France soir изјавил дека Александрос Каилис бил приведен истиот ден кога била спроведена големата антикорупциска акција на белгиската полиција откако бил откриен дека се крие во бриселскиот хотел „Sofitel“ полн со готовина.
Белгиската полиција во претресите на 9-ти декември на повеќе од 16 локации заплени над 600.000 евра во готовина, како и многу компјутери и мобилни телефоните. Меѓу уапсените е и социјалистичката пратеничка Каили, а сите се обвинети за учество во криминална организација, перење пари и корупција. Белгиското обвинителство соопшти дека со месеци имале сомневање и следела дека една земја од Персискиот залив се обидува да влијае врз носењето одлуки во Брисел. Каили негираше дека земала пари од Катар, соопшти минатата седмица еден од нејзините адвокати во Грција.
