Естрадниот фризер Милош Момиќ, кој соработувал со Барбара Бобак, Оља Бајрами и бројни жени од јавната сцена, точно знае каде грешат жените, зошто слепо ги следат трендовите и како луксузот лесно може да премине во кич. За српските медиуми тој зборуваше без заобиколување, за фризурите кои, според него, одамна требало да заминат во пензија.
„Метла на глава не е стил — дури ни на естрада“, порачува Момиќ.
Надградбата на коса денес, вели тој, не е само прашање на нега или следење на тренд. Таа е луксуз што бара стручност и посветеност. Кога се изведува правилно, резултатот е беспрекорен, но ако се прави без знаење или грижа за квалитетот на косата, последиците можат да бидат катастрофални. Според Момиќ, не станува збор за претерување, туку за професионализам – од тоа кој работи, како работи и кој ја носи косата зависи дали надградбата ќе изгледа луксузно или ќе делува како евтина имитација.
Тој истакнува дека Теодора Џехверовиќ и Јелена Карлеуша се пример за беспрекорно изведени фризури, додека косата на Јована Јеремиќ и Рада Манојловиќ, според него, им е потребна помош. Иако ги цени и ги сака, смета дека „метлата на глава“ не им прилега и дека не е пријатно секое утро да се гледа таков резултат.
Фризерот нагласува дека постојат јавни личности кои навистина се грижат за својата коса и со задоволство плаќаат за врвна услуга. Но, исто така, има и оние што мислат дека поради своето име автоматски заслужуваат бесплатна фризура, без да размислат за трудот и времето вложени од професионалецот. Иронијата, додава тој, е што сопствените услуги, како што е пеењето, ги наплаќаат високо, а исто време очекуваат косата да им биде бесплатна.
Најмногу го нервираат фризури што ги обезличуваат познатите пејачки и актерки. Тој ги разбира светските трендови, но нагласува дека секоја фризура мора да ѝ одговара на жената, нејзината музика, изглед и карактер. Спомнувајќи ги екстремните модни трендови, како „роговите“ на глава и контрастните бели прамени на црна коса, тој смета дека тие стануваат морничави. Момиќ е приврзаник на минимализмот – помалку е повеќе, а стилот треба да зрачи со елеганција, а не да шокира по секоја цена.
