Пејачката Елена Ристеска јавно ѝ го честиташе 45. роденден на својата сестра Драгица Ристеска, споделувајќи фотографии од нивното заедничко патување во Париз и емотивна порака посветена на една од најважните личности во нејзиниот живот.
Во објавата, Елена ја опиша Драгица како многу повеќе од сестра, истакнувајќи дека низ годините била нејзин најголем поддржувач, искрен критичар и личност на која секогаш можела да се потпре.
„Една е сестра! Ама ти си ми и брат, и другарка, и психолог, и критичар, и поддржувач… сѐ во едно“, напиша Ристеска, додавајќи дека е горда на сите успеси и животни предизвици што нејзината сестра успеала да ги надмине.
Покрај роденденските желби, пејачката нагласи дека Драгица е личност со големо срце и силен карактер, посакувајќи ѝ многу здравје, љубов и среќа во годините што следуваат.
Драгица Ристеска е позната во јавноста како ликовна уметница со повеќе самостојни и групни изложби во земјава и во странство.
Нејзината работа често ја следи и поддржува Елена, која редовно присуствува на нејзините изложби, додека Драгица е меѓу најверните посетители на концертите на својата сестра.
