Маркос Џивс, Бразилецот кој многу личи на Кијану Ривс, ја доби пресудата против Фејсбук откако компанијата му го деактивираше корисничкиот профил поради сличноста со глумецот.
Судот во Рио де Жанеиро пресуди дека Фејсбук мора повторно да ја активира корисничката сметка на Џивс и да му плати околу 900 евра. Доколку не му го обноват профилот во рок од пет дена, Фејсбук ќе мора да му плаќа дополнителни 35 евра за секој нареден ден.
View this post on Instagram
„Борбата траеше две години. Штом сфатија дека личам на актерот, за неполни три месеци ми го затворија профилот од Фејсбук. Во исто време има бројни профили кои се преправаат дека сум јас и бараат пари од фановите, а останаа активни“, изјави Џивс.
View this post on Instagram
Џивс сфатил дека личи на Ривс пред 17 години, но не мислел дека може да заработи од таа сличност додека не ја изгубил работата на танкерот на кој работел. LADbible пишува дека после тоа се свртел кон бизнисот во кој ја глуми ѕвездата на Матрикс и дека го користи Фејсбукот за промоција и за договарање зделки.
View this post on Instagram
