Поранешниот фудбалер Душко Тошиќ ја однесе својата ќерка Атина во Милано за да најде стан во кој ќе живее за време на студиите во овој град.
Тошиќ сподели слики од познатата галерија „Виторио Емануеле II“ на Инстаграм, покажувајќи колку ужива во италијанската престолнина на модата.
Во исто време, мајката на Атина, Јелена Карлеуша, зборуваше за плановите што семејството ги има за наредниот период.
– Атина моментално е во Милано, отиде со својот татко да избере стан и се враќа, а потоа кога ќе почне на факултет, јас ќе бидам со неа на почетокот, за да се осигурам дека сè е како што треба – рекла Јелена за Пинк.
– Горда сум, но и тешко ми е. Не ме прашувајте повторно, овој пат не сакам да си ја расипам шминката. Не знам што ми е, се чини дека станав помека со возраста отколку сите овие години зад себе – додала таа.
Потоа Карлеуша откри што ќе студира Атина.
– Ќе студира моден менаџмент – гордо истакна пејачката, која и самата е голем љубител на модата, па нема сомнение дека нејзината ќерка ја наследила таа љубов.
