Легендарниот Драган.Б.Костиќ му го сменил животот на Дарио, а оваа приказна која малкумина ја знаат, пејачот и автор ја раскажа непосредно по смртта на неговиот пријател.
На 20 декември, по кусо боледување на 75-годишна возраст, почина Драган Б. Костиќ, истакнат македонски музички новинар, радиоводител и еден од најпрепознатливите гласови во историјата на Македонското радио.
Многумина на социјалните мрежи се простија од човекот кој беше музичка енциклопедија и едуцираше многу генерации во „Диско селектор“ и „Забарави ако можеш“. Дарио ја раскажа оваа искрана приказна на неговиот фејсбук-профил.
-Драгче мој.. ментор, идол, едукатор, советник, пријател, другар, па и повеќе од тоа, ние бевме фамилија. Да не беше Ти, немаше своевремено да се слушне за мојот прв бенд „Бон-Тон“, а благодарение на тоа и започна целата моја музичка приказна. ТИ БЛАГОДАРАМ. 
