Пејачот Дарко Лазиќ е активен на црногорското приморје каде што настапува во полн ек, но летово, за разлика од претходните месеци, сопругата Катарина не го придружува на настапите.
Причината за ова е седмиот месец од бременоста на Катарина, што ѝ го отежнува патувањето, па таа остана дома да се одмора.
Лазиќ истакна дека се надева дека новороденчето ќе дојде за два месеци и нагласи дека е подобро Катарина да остане дома и да не ја малтретираат патувањата.
-Да даде Господ, новото бебе ќе пристигне за два месеци, Каќа е во седмиот месец. Секогаш ме придружуваше на настапите, сега е седми месец, едвај го поднесува патувањето и нема потреба сега да се малтретира и да патува со кола. Подобро ѝ е дома – изјави Лазиќ.
Дарко за геј свадбата на која пееше
Неодамна вниманието на јавноста го привлече видео на кое Дарко Лазиќ пее на свадба на две девојки. Тој истакна дека секој има свој избор во животот и дека на таа свадба поминал фантастично, што за него било прво вакво искуство.
-Тоа беа мои две пријателки кои се венчаа, јас бев гостин таму, не пеев. Секој има свој избор во животот, јас си поминав феноменално. Најубаво во животот. Првпат бев на ваква свадба и беше прекрасно – објасни тој.
Проценка на сезоната и перспектива на младите пејачи
– Никој не се забавува ова лето, како што сите сме навикнати. Сезоната е помалку посетена. Не се грижам повеќе. Сите поминуваме низ тешко време, но ќе биде подобро – вели тој и открива зошто е тоа така:
– Не можеме никого да обвиниме, промена на генерација, ново време, нова публика, така е. Колку такви млади пејачи испративме, се ќе си дојде на свое.
Спонтани перформанси на покривот на автомобилот
Неодамна вирално стана видеото од Дарко Лазиќ и Елма Синановиќ како пеат на покрив од автомобил, а Лазиќ откри дека настапот бил целосно спонтан и непланиран. Тој објасни дека тоа е реакција на заканата со бомба, поради што публиката морала да се евакуира, а тој решил да ѝ се обрати на публиката и да пее заедно со Елма час и половина.
-Тоа беше дојава за бомба, публиката мораше да се евакуира од тој простор. Ми текна откако јас и Елма седевме во кола, а публиката беше насекаде околу нас на паркингот, знаете колку сум луд, помислив да ѝ се обратам на публиката. Кога не поздравија со аплауз, не можев да не запеам, излезе Елма и заедно пеевме час и половина. После тоа се вративме и испеавме се како што треба – изјави Лазиќ за српски „Блиц“.
