Познатиот актер Џереми Ренер кој глумел во многу холивудски филмови, прозборе подетално за неговиот смртоносен инцидент кој се случи на почетокот на годинава, во неговото последно интервју за „ABC News“.
Ренер откри дека се простил со својата фамилија, пишувајќи им писмо од болница, додека бил во ужасна состојба.
Несреќата се случила кога ненадејно ратрак го прегазил додека Џереми се обидел да го тргне својот внук подалеку од возилото.
„Да бев сам и да немав никаква поддршка, сигурно ќе умрев. Ова е еден ужасен начин да се заврши животот. За моја среќа, никогаш не останав сам!“
Откако Џереми бил хоспитализиран тој имал скршени 30 коски и повреди на градниот кош. Докторите немале голема надеж во неговото опоравување и изјавиле дека е многу веројатно Џереми да го изгуби својот живот.
„Одбрав да живеам. Изгубив премногу коски од телото, но со огормни дози на титаниум и љубов – закрепнав“.
Несреќниот случај му даде нов видик кон животот на холивудскиот актер.
„Ова беше одличен потсетник да им кажам на моите ближни колку многу ги сакам. Тоа е најважното нешто во светот.“ – изјави Џереми.
