Актерот Том Круз на своите пријатели им праќа подароци секој Божиќ.
Актерката Коби Смалдерс, најпозната по улогата на Робин во „Како ја запознав мајка ти“, гостуваше во шоуто на Џими Фалон и зборуваше за божиќните празници.
Таа откри дека актерот со кого го сними филмот „Џек Ричер“ во 2016 година секоја година и праќа торта.
„Тоа е торта од бело чоколадо со кокос и морам да признаам дека е вкусна. Ja чувам во замрзнувач и трае до март бидејќи земам само парче. Не знам зошто, не сум ни љубител на слатки, но ова е одлично“, изјави актерката.
Том Круз еднаш раскажа дека праќа торта на широк список на познаници за празниците.
„Сакам слатки, но ги избегнувам поради тренинзите и подготовките низ кои поминувам за филмови. Затоа им ги испраќам на сите”, рекол тој.
