Бредли Купер нема да присуствува на премиерата на неговиот нов филм „Маестро“ на филмскиот фестивал во Венеција во знак на солидарност со штрајкот на SAG-AFTRA, изјави портпаролката на фестивалот Лазарин Микела за TheWrap.
Неговата одлука да не отпатува во Венеција на фестивалот следниот месец е во знак на поддршка за актерите што штрајкуваат за поголеми плати и подобри услови.
Годинешниот Меѓународен филмски фестивал во Венеција, што ќе трае од 30 август до 9 септември, уште во најавата е контраверзен со новите филмови од Роман Полански и Вуди Ален надвор од конкуренција.
Филмовите кои ќе се тркаат за награда во Венеција ги вклучуваат „Poor Things“ на Јоргос Лантимос (кој Дизни штотуку го префрли на широк датум на прикажување на 8 декември), „Присила“ на Софија Копола, „Ферари“ на Мајкл Ман, „Потекло“ на Ава ДуВерне и на Дејвид Финчер „Убиецот“.
„Маестро“ е вториот филмски режисерски обид на Купер по блокбастерот „Ѕвезда е родена“.
