Алек Болдвин официјално е татко на осум деца. 64-годишниот актерот и неговата сопруга Хиларија Болдвин ја добија ќерката Иларија Каталина Ирена Болдвин. Таа е родена во четвртокот, на 22 септември.
Среќната вест ја сподели Хиларија на социјалните мрежи.
– Многу сме возбудени да ви го претставиме нашиот мал сон. Нејзините браќа и сестри се толку возбудени и сите дебатираат на кого таа најмногу личи – напиша 38-годишната поранешна инструкторка по јога.
View this post on Instagram
Таа и Алек во март потврдија дека повторно ќе станат родители.
Заедно имаат уште шест деца: Кармен (9), Рафаел (7), Леонардо (5), Ромео (4), Едуардо (2) и Марија Лусија (18 месеци). Алек ја има и 26-годишна ќерка Ајрланд со поранешната сопруга Ким Бесинџер.
Парот важи за еден од најстабилните во Холивуд, тие се во брак од 2012 година, по врската која траела неполна година. Ја прославија својата 10-годишнина во јуни.
View this post on Instagram
