Во мај годинава, регионалната јавност ја загрижи фотографијата на Саша Поповиќ, креативниот директор на „Гранд“, кој тогаш беше згрижен во Институтот за ортопедија во Бањица, кога беше виден во инвалидска количка, а ногата му беше во гипс до коленото. Потоа се огласија со соопштение од „Гранд“ – Саша Поповиќ доживеа несреќа кога падна на скали и ја скрши ногата. Во Заводот за ортопедија во Бањица му беше укажана соодветна помош и му беше поставена лонгета. Тој се чувствува добро и сега е дома. Ви благодариме на сите за грижата – рекоа од „Гранд“, по што зборуваше и Саша:
– Им благодарам на сите што се грижите и прашувате, денеска веќе се враќам на редовните обврски, го имаме снимањето на „Ѕвезде Гранда“ – рече тогаш Поповиќ.
Но, во текот на летото се појави нова приказна за неговата здравствена состојба, а како што се пишуваше, состојбата на Саша се искомплицирала и решил да не оди на физикална терапија во бањите во Србија, туку решил да замине во странство и таму целосно да закрепне.
Снимањето на 18-тата сезона на „Ѕвезде Гранда“ беше закажано за понеделник на 16 септември, а Саша не се појави на снимањето. Тогаш Ѓорѓе Давид на српските медиуми им откри дека Поповиќ не можел да дојде на снимањето.
– Здравствената состојба на Сале е таква што нема да се појави, но очекуваме многу брзо да излезе, сè направи, ги спакува сите емисии, очекуваме многу брзо да се појави – изјави за српска Република Ѓорѓе Давид.
Според шпекулациите, Саша би требало да се врати на снимањето на крајот на октомври, а дотогаш во жирито ќе биде Драган Којиќ Кеба.
Иако моментално не е во добри односи со Поповиќ, музичката ѕвезда Јелена Карлеуша откри дека стапила во контакт со неговата сопруга Сузана Јовановиќ и ѝ понудила поддршка и помош.
– Слушнав дека Сале не е добро. Ѝ испратив порака на Сузана дека во секој момент може да смета на мојата поддршка и помош, без разлика што морав да ги прекинам неговите напади на различни начини на разни емисии. Морам да бидам некој што простува затоа што нема некој што не ми згрешил и што не се покајал поради тоа, затоа што никогаш никому не сум направила ништо лошо. Кога станува збор за Саша Поповиќ, ќе се сеќавам само на добрите работи што ми ги направи – изјави Јелена во емисијата „Пулс Србија“.
Започна снимањето на „Жикина династија“: Еве кои актери ќе ги играат главните улоги
