Силвестер Сталоне (73) и Џенифер Флавин (51) прославија 23 години во брак.
За овие години тие беа исправени пред многубројни предизвици, но љубовта го одржа бракот, па тие се на чекор да слават „сребрена свадба“.
Двојката се запознала во 1988 година и почнале врска, која завршила во 1994 година кога актерот почнал да се состанува со манекенката Џенис Дикинсон.
Во 1995 година повторно се смирија, а една година подоцна ја добија ќерката Софија.
Силвестер и Флавин законски стапија во брак во хотелот „Дорчестер“ во Лондон на 17 мај 1997 година, каде што беше организирана церемонија на која присуствуваа само најблиските.
Заедно актерот и поранешната манекенка имаат уште две ќерки: Систин, која се роди 1998 година, и Скарлет, родена 2002 година.
