Српската фолк-пејачка Весна Змијанац, која отворено го поддржува српскиот претседател Александар Вучиќ, настапи и на вчерашниот митинг на Српската напредна странка (СНС) во Белград.
Но, наместо по настапот, таа се најде во центарот на вниманието поради реакциите на социјалните мрежи. На платформата Икс се појавија видеа од нејзиниот настап, а многумина коментираа дека изгледала незаинтересирано и без енергија.
„Се гледа дека не ѝ е до пеење“, „Пеење со нула ентузијазам“, „Весна Аутотјун“, „Звучеше морничаво“, „Ја совлада жештината“, беа само дел од коментарите.
Змијанац и претходно настапуваше на собири организирани од СНС. Во март годинава, по настапот на митинг во Белградска арена, изјави дека воопшто не се двоумела дали да ја поддржи власта.
„Воопшто не се двоумев. Претседателот секогаш треба да се поддржи. Јас отсекогаш сум била со власта. Тоа им го велам и на моите деца – секогаш бидете со власта, така нема да имате никакви проблеми. Ако не е така, тогаш проблемите се неизбежни“, изјави тогаш Змијанац за телевизијата Пинк.
Интересно е што нејзината ќерка Николија Јовановиќ и зетот Реља Поповиќ во изминатиот период јавно им дадоа поддршка на студентските протести во Србија и присуствуваа на неколку собири.
raznosi me ova raštimovana vesna zmijanac pic.twitter.com/tqZsh9LRAO
— 🦌A (@yelenamarkovi) June 27, 2026
