Македонската манекенка и поранешна водителка Сања Николиќ денеска го слави својот 44. роденден, а нејзиниот сопруг, раперот Марко Маринковиќ – Слаткаристика, јавно ѝ ја честита оваа посебна пригода.
Тој објави видео од свој настап, на кое во еден момент ѝ приоѓа на Сања и ја бакнува пред публиката. Снимката ја придружи со кратка љубовна порака:
„Среќен ти роденден, љубавино моја“, напиша Слаткаристика.
View this post on Instagram
Двојката е во брак од 2014 година, а во 2020 година го доби синот Моша. Иако приватниот живот најчесто го чуваат подалеку од јавноста, Слаткаристика во интервју за „Слободен печат“ во 2024 година отворено зборуваше за нивниот однос и откри како реагирал кога првпат ја видел Сања.
„Па сега кога ќе си го вртам филмот, години наназад, првото нешто што сум го кажал кога сум ја видел е: Ууу… ама е убава. Тоа е првото што ми текнува, кога ќе се сетам на Сања“, раскажа тој.
Во истото интервју, раперот нагласи дека сопругата низ годините му била силна поддршка, како во приватниот живот така и во неговата работа.
„А, дека ми е поддршка низ сите овие години, во сè што работам, тоа се подразбира и сум среќен што е навистина така“, изјави Слаткаристика.
Денешната роденденска честитка беше уште еден редок јавен момент од нивната долгогодишна љубовна приказна.
