Тифани Трамп, ќерката на Доналд Трамп вчера ја објави свршувачката со долгогодишното момче Мајкл Булос.
27-годишната Тифани ја сподели радосната вест на социјалните медиуми, истакнувајќи дека за неа е голема чест што прославила толку успеси во Белата куќа, а сега и најважниот – нејзината веридба со Мајкл.
„Беше чест да се прослават многу успеси, историски прилики и да се направат спомени со моето семејство во Белата куќа. Ништо не беше толку посебно како веридбата со мојот прекрасен мајкл. Се чувствувам благословено и возбудена сум поради следното поглавје“, напиша Тифани на Твитер покрај нивната заедничка фотографија.
Вереникот на Тифани, 23-годишниот Мајкл Булос е роден во Триполи и е американски бизнисмен. Тифани и Мајкл се запознале на Миконос летото 2018 година.
