Нашата пејачка Тамара Тодевска, честопати објавува заеднички фотографии со прерано починатиот Влатко Илиевски. Таа се сеќава и споделува зеднички среќни моменти од нивниот приватен живот и музичка кариера.
Прерано починатиот пејач остана непребол за целата македонска јавност, а зад себе остави многу песни со кои, за среќа, го продолжуваме сеќавањето на него.
Тамара на својот профил на Инстаграм сподели стара фотографија на која пејачот во рацете ја држи нејзината ќерка Хана кога таа сè уште била бебе.
„Ми недостигаш, сакам да си тука“, напиша Тамара.
Поминаа повеќе од две години од смртта на Илиевски, а Тамара честопати споделува фотографии во сеќавање на својот драг пријател и колега.
На годишнината на неговата смрт во јули, пејачката со емотивна порака на социјалната мрежа „Facebook“ го сподели нивниот последен муабет и откри дека на Хана често ѝ раскажува за Влатко кој толку многу ја сакал.
