Пејачката Андреана Чекиќ, која се прослави во „Ѕвездите на Гранд“, одлучи по многу години да ја тужи „Гранд продукција“.
Како што објасни за „Хајп“, многу нејзини колеги, кои повеќе не се дел од продукцијата, се соочуваат со ист проблем – не добиваат пари од своите песни.
– Многу луѓе не знаат како функционира тоа. Сите мои песни што ги снимив додека бев под договор, сите тие пари од Јутјуб одат во „Гранд продукција“, а не кај мене. Треба и јас да добијам дел, но… – ја започна својата исповед Андреана Чекиќ, па продолжи:
– Иако сега тие песни се ставени на мојот нов канал, „Гранд“ сè уште заработува од нив. Тоа не е коректно, и не се случува само кај мене – многу мои колеги и колешки го имаат истиот проблем – изјави пејачката.
Како што нагласи, се обидела да го реши проблемот со разговор со сопствениците, но безуспешно.
– Се обидов, но одлучив дека ќе мораме да одиме на суд затоа што почувствував дека никој не ме сфаќа сериозно. Не затоа што ми е важен новецот, јас убаво заработувам. За мене парите се последица, а не приоритет. Но, исто така, не сакам некој да мисли дека сум наивна. Доста е. Имам право да се борам за ова, а и дознав дека според законот, тие немаат право да земаат 100% од монетизацијата на песните и спотовите во кои не вложиле ни денар – објасни Андреана.
