Над 14.000 граѓани досега потпишале онлајн петиција против новогодишниот настап на пејачката Јелена Карлеуша на градскиот плоштад во Крагуевац.Над 14.000 граѓани досега потпишале онлајн петиција против новогодишниот настап на пејачката Јелена Карлеуша на градскиот плоштад во Крагуевац.
Покрај негативните коментари за нејзините вокални способности и нејзината „блискост“ со Српската напредна странка, неодамна на Фејсбук беше објавена и покана за „Саботирање на бесплатниот концерт на крвавата Јелена Карлеуша“, за кој 6.700 луѓе покажале интерес, а 480 го потврдиле присуството.
„Велам дека Крагуевац најмногу ме сака и дека едвај ме чекаат. Ако страдам, нека биде славно. Во овој град, низ историјата, било пукано кон многумина, а тие се уште држеле час. Час по храброст и правда“, одговори Карлеуша на социјалните мрежи.
Таа претходно најави дека на покана на Градската туристичка организација бесплатно ќе пее во Крагуевац, дека на децата ќе им подели новогодишни подароци и ќе донира милионска сума за кого ќе одлучат граѓаните.
