Српската актерка Слобода Миќаловиќ вчеравечер, наводно, била нападната од 47-годишна жена на паркинг во белградската населба Земун и притоа била повредена, соопштија српските медиуми.
Актерката денеска за првпат се огласи на социјалните мрежи, каде објасни дека случајот е предаден на полицијата и дека веќе нема да дава изјави на оваа тема.
„Драги луѓе, ви благодарам на поддршката.
Случајот е предаден на полицијата. Сигурносните камери покажаа дека закочив на еден метар од коленото на дотичната личност. Вистината е дека таа мене ме нападна и дека беше под дејство на алкохол.
Сега му го предавам случајот на полицијата и веќе нема да се огласувам на оваа тема.
Ви благодарам на поддршката и разбирањето.
Ги замолувам медиумите совесно да си ја работата својата работа и да не шират невистини за да не бидам принудена да покренувам тужби.
Ви благодарам на сите и чувајте се“, напиша актерката во своето соопштение, објавено на социјалната мрежа Инстаграм.
Да потсетиме, конфликтот се случил вчера во околу 19 часот, на плоштадот Караѓорѓев, додека актерката го паркирала своето возило. Според полицискиот извештај, 47-годишната жена ја обвинила Миќаловиќ дека ја удрила во пределот на коленото со нејзиниот автомобил, обвинение кое актерката го демантира.
По вербалната расправија, ситуацијата прераснала во физичка пресметка – жената почнала да ја влече актерката за коса и ја извлекла од автомобилот. И двете учеснички во расправијата побарале лекарска помош, а полицијата веднаш започнала истрага за околностите во кои се случил конфликтот, имајќи ги предвид изјавите на двете страни.
