Познатиот босански рапер Аднан Никиќ (32), попознат под уметничкото име Сајфер, денес, на 21 јули, беше ранет со огнено оружје во Сараево.
Раперот е хоспитализиран со повреда на ногата, а неговата сопруга изјавила дека претходно имал вербален конфликт со две лица и дека со голи раце тргнал кон пиштолот, губејќи при тоа значителна количина на крв.
Сега се појавија нови информации дека Сајфер уште пред две недели почнал да добива закани, иако идентитетот на сторителите сè уште не е познат.
– Во тоа време беа отворени два Инстаграм профили преку кои Сајфер добивал навреди и закани. На неговата адреса, засега непознати лица, испраќале ужасни пораки кои можеби го најавувале денешниот напад – изјавил извор близок до ранетиот рапер.
Полицијата сè уште ја истражува целата ситуација, а состојбата на Сајфер, според информациите, е стабилна.
Инаку, дел од босанските портали шпекулираа дека Сајфер можеби сам се ранил во ногата, но тие тврдења не се официјално потврдени.
