На социјалните мрежи се појави видеоснимка од раната фаза на музичката кариера на Тоше Проески, која прикажува помалку познат дел од неговиот уметнички развој.
Снимката е објавена на фејсбук-страницата „Метео Велес“ и датира од периодот кога Проески настапувал како член на групата „903“.
Во видеото, снимено на неколку локации во Крушево, младиот Тоше ја изведува фолк-песната „Марија“, при што пее и свири гитара. Станува збор за љубовна композиција, реализирана во амбиент без сценска продукција, што укажува на спонтан пристап кон снимањето.
Иако подоцна ја изгради својата кариера главно во поп-музиката, оваа снимка потврдува дека на самиот почеток Проески бил присутен и во фолк-жанрот. Во описот на видеото се наведува дека станува збор за „Тоше на самите почетоци од неговата кариера со фолк-рефрени“.
