Српскиот јутјубер Бојан Симоновиќ, познат под прекарот Сими, рано утрово доживеал тешка сообраќајна несреќа во Нови Сад, во која целосно бил уништен неговиот луксузен автомобил.
Според информациите објавени од српските медиуми, несреќата се случила околу 4 часот наутро на Булеварот на ослободувањето, кога, како што се сомнева, Симоновиќ изгубил контрола над возилото – „BMW M4 CS“, чија вредност се проценува на околу 200.000 евра.
Од силината на ударот автомобилот бил целосно смачкан, а делови од возилото биле расфрлани по коловозот. Според неофицијалните наводи, по губењето контрола, тој удрил во повеќе паркирани возила на улицата.
И покрај сериозната материјална штета и фактот што автомобилот е речиси непрепознатлив, во несреќата нема повредени лица.
Засега нема официјални информации за причините за инцидентот, а надлежните органи ја утврдуваат целосната околност под кои се случила сообраќајката.
