14:07 - 18 март, 2025

Поради трагедијата во Кочани: „Некст тајм“ ги одложија во Берлин и Хамбург

Музичкото дуо „Некст тајм“ ја извести јавноста дека ќе ги одложи претстојните концерти во Германија поради поради големата трагедија што се случи во Кочани во неделата наутро, кога разорен пожар го зафати ноќниот клуб „Пулс“ за време на концертот на музичката група „ДНК“.

Стефан и Мартин Филиповски од „Некст тајм“ требаше да одржат концерти во Хамбург, на 21 март, и во Берлин, на 23 март, но засега нема нови датуми кога ќе се одржат.

„Во овие моменти на тага и болка, сакаме да им изразиме длабоко сочуство на сите оние кои ги изгубија своите најмили во трагедијата која се случи во Кочани!

Сакаме да Ве известиме дека претстојните концерти во Хамбург на 21.3.2025 и во Берлин на 23.3.2025 ќе бидат одложени на неопределено време. Повеќе информации за овие настани ќе бидат објавени наскоро, по завршувањето на деновите на жалост.

Бог да им даде сила на сите во вие тешки мигови!“, стои во нивното соопштение.


Да потсетиме, според официјалните податоци, во разорниот пожар загинаа 59 лица, а 155 луѓе се повредени. Меѓу настраданите се и членови на „ДНК“ – пејачот Андреј Ѓорѓиески, придружниот вокал Сара Пројковска, гитаристот Андреј Коларов, тапанарот Ѓорѓи Ѓорѓиев, пијанистот Филип Стевановски, битбоксерот Мартин Атанасовски – Буцо, тонецот Игор Велков, како и официјалниот фотограф на групата Александар Ефремов.

Владимир Блажев – Панчо, според неофицијалните информации е хоспитализиран, додека за придружниот вокал Ана Костадиновска нема информации.

Слични објави

Нина Бадриќ ја потврди врската на Розга и Хуљиќ: Кога има привлечност, енергија и љубов, годините не се важни

Еспресо

Прво огласување на Аца Лукас по смртта на Саша Поповиќ и погребот на кој не присуствуваше: „Тоа не е важно“

Еспресо

(Видео) Тања Савиќ слави три години љубов со Муки: Ти беше таму кога никој друг не беше, ми ги бришеше солзите!

Еспресо

Сопругата на Дарко Лазиќ: „Во морето луксузни патувања, јас уживам на село готвејќи за сопругот и детето“

Еспресо

Цеца Бојковиќ имала три големи љубови, но една желба ѝ останала неисполнета засекогаш

Еспресо

Хороскоп за 18 март: Лавовите ќе бидат арогантни во љубовта, Скорпиите ќе добијат важна информација

Еспресо
Се вчитува....