Францускиот актер Клод Брасер, кој одбележа генерации со популарни филмови како „Партија“ и „Кампување“ и кој снимил повеќе од сто филмови, почина денес на 85-годишна возраст, објави неговиот агент.
– Клод Брасер почина денес во мир опкружен со своите соседи. Тој не беше жртва на коронавирисот. Брасер ќе биде погребан во Париз, во согласност со здравствените прописи, покрај неговиот татко (актерот Пјер Брасер), на гробиштата Пере Лашез во Париз, рече Елизабет Танер, раководител на агенцијата Тајм Арт.
Потекнувајќи од долга низа актери, тој е син на Пјер Брасер и Одет Жуаје. Ги сакаше филмот и телевизијата исто како што сакаше и театарот.
Добитник е на две француски филмски награди „Цезар“ и „Легијата на честа“. За повеќе од 60 години од неговата кариера, тој има снимено повеќе од 110 филмови. Тој ќе остане запаметен по неговата улога на таткото на младата Софи Марсо во култниот филм „Партија“ од 1980-тите.
