Познатата пејачка Елена Петреска деновиве е главна тема во домашните медиуми поради изјавата дека се повлекува од музичката сцена.
Во интервју за естрадниот магазин„Бекстејџ“, Петреска откри што точно мислела кога рекла „повлекување“.
– Јас веќе нема да снимам песни и авторска музика, тоа беше мојата изјава. Настапи ќе имам, а тука е и мојот редовен ангажман во Македонската опера. Ќе и се посветам на класичната музика, мислам дека не треба да пеам и снимам кога нема кој да ме слуша – изјави Елена за „Бекстејџ“.
Потоа откри и дека во досегашната кариера повеќепати и се случило да снима песни кои што не и се допаѓаат само затоа што и било непријатно да ги одбие авторите, па нагласи дека една од тие теми е и „Маска“ која прерасна во голем хит, иако нејзе лично не и се допаѓала.
