Хрватската водителка Николина Пишек збесна поради тврдењата во српските медиуми, па одговори преку Инстаграм.
„Николина Пишек има ново момче! Таа призна сè, тој ѝ помогна да ја уреди вилата: ‘Немав доволно пари’“, гласи насловот на еден српски таблоид.
Вака им одговори Пишек: „Ало, пациенти, жртви на зезнатиот балкански заостанат менталитет во кој жените не можат да направат ништо сами ако немаат маж покрај себе. Во принцип, јас немам ништо против мажите. Но, имам против безумноста во која секој мој успех му се припишува на ‘мистериозен човек’. Дали некогаш ви паднало на памет дека тоа може да биде, да речеме, деловен партнер? Сега вратете си се од пештерите од каде што сте дошле!“.
Да потсетиме, Николина Пишек се вселува во својата луксузна вила вредна 1,7 милиони евра во загрепско Шестине, која ја купи со својот починат сопруг Видоје Ристовиќ.
