Мила Кунис и Ештон Качер почнаа да се забавуваат во 2012 година, а оттогаш нивната љубов стануваше сè посилна.
Се венчаа на прекрасна церемонија во јули 2015 година. Сега имаат две деца – ќерката Вајат Изабел Качер и синот Димитри, и како што и самите велат, живеат како во бајка.
Ештон и Мила всушност првпат се сретнале на сетот на серијата „Луди седумдесетти“. Во една епизода снимена во 1998 година, тиа морале да се бакнат.
Подоцна, Мила открила дека овој бакнеж со Ештон, нејзиниот сегашен сопруг, всушност бил првиот во нејзиниот живот.
Во едно интервју, Мила призна дека во тоа време веќе имала симпатии кон Ештон и дека била многу нервозна за тој бакнеж за време на снимањето:
– Размислував: „Тој е толку симпатичен, како модел на Келвин Клајн“. А потоа слушнав дека треба да го бакнам. Бев толку нервозна. Бев многу заљубена во него. Ештон беше многу фин, се шегуваше со мене и ми даде некои убави комплименти.
Но Ештон не знаел дека тоа е првиот бакнеж на Мила:
„Дали сум првиот човек што го бакна? О Боже, не знаев! Мило ми е што не знаев, бидејќи во спротивно ќе бев премногу нервозен. А и бев нервозен. Таа беше толку кул, се однесуваше како тоа да го правела илјадапати претходно. Имав пеперутки во стомакот. Мислам, тука е таа слатка девојка и морам да ја бакнам. Голем притисок!“
