Му требаше некое време веројатно да се опорави од првичниот шок кога неговата колешка, актерката Кејт Хадсон рече дека бакнежот со него е еден од најлошите кои ги доживеала на филмското платно, но сега Метју Меконахи ги најде вистинските зборовите и се обиде да се одбрани пред фановите.
Тие заедно глумеа во филмот „ How to Lose a Guy in 10 Days“ и постигнаа голем успех со него. Многумина сè уште ги паметат љубовните сцени во оваа романтична комедија, а самиот филм со години се емитуваше на разни телевизиски канали.
Сепак, според Кејт Хадсон романтичните сцени кои освојуваат во филмот и го прават Метју Меконахи посакуван во очите на жените, не биле баш вистинско задоволство и за неа.
Имено, таа го спомена неговото име како личност со која го доживеа најлошиот бакнеж на филмското платно, а сега и Меконахи проговори за истата тема, велејќи дека бакнежите меѓу колегите актери никогаш не се идеални.
Тој рече дека токму во сцената кога требало да ја бакне Кејт, сè било против него. Брановите на океанот, влажните тела, солената вода, не му оделе во прилог.
„Само што сте скокнале од хеликоптер. Вие сте сред океан. Одите под вода, потоа стапувате во акција, влегувате во вода и излегувате од водата да земете воздух“, рече Меконахи и додаде: Драго ви е што сте жив!
Покрај сето тоа, Метју се сети дека морал да ја повтори токму таа сцена најмногу пати. Поради комплексноста на сцената, филмската хемија меѓу него и Кејт едноставно исчезнала.
„Постојано имаше елементи што дополнително ни отежнуваа да ја завршиме таа сцена“, заклучи славниот актер кој многумина го опишуваат како голем заводник во Холивуд.
Интересно е што токму на снимањето на филмот во Австралија во 2003 година Метју ја запозна својата сегашна сопруга Камила Алвеш.
