Меган Фокс (34) пред 11 години гостуваше во емисијата на комичарот Џими Кимел, која деновиве се шири на социјалните мрежи, и проговори за сексуалното вознемирување што го доживеала кога имала 15 години.
Филмот во кој тогаш глумела го режирал Мајкл Беј (55).
„Само што наполнив 15 години и глумев споредна улога во филмот „Лоши момци“. Снимаа сцена во клубот и ме донесоа, а јас носев бикини, црвен каубојски шешир и штикли. Беј го одобри тоа, а тие го предупредија дека сум малолетна и дека не можам да пијам алкохол. Неговото решение за тој проблем беше да играм под водопадот и бикините да ми се намократ“, раскажала Меган.
Интервјуто предизвика згрозување кај јавноста бидејќи водителот и публиката, наместо да и пружат поддршка, ги исмеале нејзините зборови. Кога публиката почнала да се смее, Меган додала:
„Тогаш бев осмо одделение. Ете како размисулва умот на Мајкл Беј“.
„Па така сите размислуваме, само некои од нас знаат како да ги потиснат тие мисли“, додал тогаш Кимел, а многумина таа изјава ја искритизирале.
