Ѓина Џиновиќ, ќерката на пејачот Харис Џиновиќ и модната дизајнерка Мелина Џиновиќ, повторно привлече внимание со објавите од Монако, каде што престојува деновиве.
Младата инфлуенсерка на Инстаграм сподели фотографии и видеа од луксузната дестинација, покажувајќи базен на покривот од зградата со поглед кон градот и морето. Таа откри и дека друштво ѝ прави пријателката Анѓела, која ја означи во објавата.
Освен што ужива во престојот на Азурниот Брег, Ѓина не ја запоставува ниту физичката активност. Таа објави фотографија од теретана, а неодамна со следбениците сподели и оброк со помфрит прелиен со тартуфи и зелени пиперки, кој на шега го нарече „мојот јин и јанг“.
Во меѓувреме, нејзиниот татко Харис Џиновиќ неодамна зборуваше за нејзините животни планови и призна дека сосема природно ја прифаќа нејзината желба да гради сопствен живот.
„За Ѓина велам само: нека е жива и здрава. Отиде во Барселона да студира, се занимава со свои работи“, изјави пејачот.
Тој додаде дека е сосема нормално децата еден ден да го напуштат родителскиот дом.
„Сака да се омажи, да има свои деца и да создаде свое семејство. И да беа односите најдобри, еден ден ќе си заминеше од оваа куќа со сопругот за да создаде свое семејство. Така ќе биде и со Кан, иако мислам дека тој ќе остане овде“, рече Џиновиќ.
