Викторија Спенџарска, попозната на социјалните мрежи како Веган Вики, сподели моменти од семејната атмосфера во природа, покажувајќи дека љубовта и заедништвото можат да создадат едно големо и хармонично семејство.
Инфлуенсерката од Берово, која е сестра на водителката Јелена Спенџарска и мајка на две ќерки – Љубљана и Емона, објави фотографии од пикник во природа со својот свршеник, своите деца и неговите две деца.
„За сите неверојатни мајки“, напиша Вики покрај фотографиите, а во една од објавите кратко додаде и: „Среќно семејство од 6“.
Парот, кој често споделува моменти од животот исполнет со кампување, престој во природа и готвење на отворено, овојпат уживаше во пикник во близина на Гевгелија.
Од подготовка на храна на оган до дружење меѓу зеленилото, фотографиите покажуваат опуштена семејна атмосфера и ден исполнет со смеа и детска радост. Вики откри дека таа била задолжена за зеленчукот, додека нејзиниот партнер го подготвувал месото.
Следбениците веднаш реагираа со позитивни коментари, истакнувајќи дека нивните фотографии се вистинска „позитива на денот“.
