Марија Ивановска и Бојан Трајковски од „Ај кју“ наскоро ќе се остварат во улогата на родители. Среќната вест ја објавија на социјалните мрежи, каде што споделија креативно и хумористично видео со кое открија дека го очекуваат своето прво дете.
Музичкиот пар, кој со години е заедно и кој во 2018 година ја претставуваше Македонија на Евровизија, уште еднаш ги воодушеви своите следбеници, но овојпат со приватна и емотивна новост.
Во видеото Марија држи тест за бременост, додека двајцата глумат изненадување од резултатот. Неколку моменти подоцна, таа го покажува и трудничкото стомаче, потврдувајќи дека наскоро во нивниот дом ќе пристигне нов член.
„‘Ај кју’ со нов член? Да не треба уште некој тест?“, напишаа тие во описот на објавата.
Објавата веднаш собра бројни реакции, честитки и пораки со љубов од пријателите, колегите и фановите, кои не ја криеја радоста поради убавата вест.
