Српската пејачка Анастасија Ражнатовиќ – Гудељ моментално живее во Шпанија, а на својот инстаграм-профил сподели слика од популарниот цртан филм „Заспаната убавица“.
На сликата е прикажана Трнорушка како гледа низ прозорец, а покрај фотографијата стои натписот: „Јас додека разговарам со Исус секоја вечер, затоа што тој е мојот најдобар пријател“.
Да потсетиме, Анастасија и Немања Гудељ од самиот почеток на врската биле неразделни, брзо започнале да живеат заедно, а по свадбата таа се пресели во Шпанија.
„Во Севилја морав да зборувам шпански бидејќи никој не зборува англиски. Не ми беше тешко да го научам, бидејќи имав предзнаење од латиноамериканските теленовели. Најмногу ми недостига мајка ми, ние сме многу поврзани. Како најдобри пријателки сме, и сè што ми се случува, прво ѝ кажувам неа“, изјави неодамна Анастасија.
