Драган Спасов – Дац, актер кој има остварено бројни и значајни улоги во театарски претстави, филмски и телевизиски проекти. Во неговото семејство се нижи веќе третата генерација актери од неговиот татко Стево Спасовски, преку него и денес неговите синови. Се надеваме дека оваа низа ќе продолжи.
Прекарот Дац потекнува од негова соученичка од основно училиште и од тогаш останале да го користат неговите пријатели, познаници, па дури и јавноста го знае повеќе како Дац отколку како Драган. Единствено, неговата мајка го нарекувала Данчо и Драганчо, но не и Дац, изјави во едно интервју актерот.
Денес во домот на актерот има повод за славење. Неговата сакана, Весна Терзиевска, слави јубилеен, 50- ти роденден, а по тој Дац и посвети објава на социјални мрежи.
Среќен роденден девојче мое! Продолжи да бидеш таква каква што си и продолжи да сакаш онака како што само ти умееш…Барем уште 100 години! – напиша Дац во објавата споделувајќи фотографија на која ја бакнува својата сакана.
Весна по повод својот 50-ти роденден исто така се огласи на социјалните мрежи:
„Најлошото нешто во врска со роденденот е тоа што бројот на свеќи постојано расте, а тортата станува сè помала. Среќен ми 50ти роденден!“ – напиша Весна.
