Српскиот пејач Никола Роквиќ повторно ги воодушеви своите следбеници на социјалните мрежи. Овој пат, не со нова песна, туку со фотографија на која се гледа резултатот од неговата посветеност на фитнесот и здравиот начин на живот.
По завршување на интензивен тренинг, Роквиќ се фотографираше пред огледало – видно испотен, но со извајани бицепси и трицепси кои веднаш го привлекоа вниманието на јавноста. Облечен во црна маичка без ракави, пејачот покажа дека е во врвна форма, а коментарите на неговите фанови, особено женскиот дел, не изостанаа – „звер“, „врие сексапил“ и „пример за здрав живот“ беа само дел од пофалбите.
Никола веќе одамна не крие дека вежбањето е дел од неговата секојдневна рутина. Дека навистина е сериозен во намерата да го одржува телото во форма, потврди и неодамна кога направи тест за оптеретување. За време на тестот, тој вежбаше на лента за трчање, додека стручњаци го следеа ритамот на неговото срце со електроди поставени на градите.
