Најпознатата старлета на светот, Ким Кардашијан, претстави како нејзината 2020 година би изгледала доколку е фотографија, со кадар на нејзината ќерка Норт и нејзината мала братучетка Пенелопе.
Кардашијан на својот Инстаграм профил ја објави споменатата фотографија од двете девојчиња, со која ги насмеа нејзините фанови, а секако не било воопшто смешно во вистинскиот момент кога е создадена оваа фотографија.
Имено, Ким ја држи Пенелопе, која исто така изгледа исплашено, без оглед дали е од нешто што го видела или слушнала, а притоа малечката несвесно замавнува со рацете и ја удира нејзината братучетка Норт.
– 2020 година како фотографија – напиша Кардашијан и додаде емотикон кој плаче од смеа, а според изразот на лицето на нејзината ќерка, може да заклучиме дека ударот не бил воопшто благ.
Оваа фотографија ја опишува 2020, како еден голем, неочекуван удар во лице.
Патем, семејството Кардашијан не ги почитуваше мерките против коронавирусот за Денот на благодарноста, бидејќи тие се собраа како семејство во куќата на нивната мајка Крис Џенер
На граѓаните во Калифорнија претходно им беше препорачано да не патуваат за тој празник или да се собираат поради пандемијата на коронавирисот, а на фотографиите, во куќата на Крис, може да се види маса поставена за 14 лица.
