Македонската поп-ѕвезда Каролина Гочева повторно ги изненади своите следачи со прекрасни фотографии. На Инстаграм, каде што обично е резервирана кога станува збор за интимни моменти, таа сподели дел од атмосферата на својот актуелен одмор.
Гочева заедно со сопругот, уметникот Михаил Корубин, ужива на егзотичните Сејшели. На една од објавите кратко напиша „рај“, додека фотографијата зборува сама за себе – плажа со кристално чиста тиркизна вода, тропско зеленило и мир кој ретко се среќава.
Во неколку видеа снимени од автомобил, пејачката додаде и порака што асоцира на безгрижност и бегство од секојдневието: „Летото повикува“.
Ова патување доаѓа по нејзиното неодамнешно откривање на една анегдота од престојот во Јапонија, каде што на крајот на минатата година престојуваше во Токио со сопругот.
