Иванка Трамп и нејзиниот сопруг Џаред Кушнер пред неколку дена пристигнаа во Венеција за раскошната венчавка на Џеф Безос и Лорен Санчез. Тие беа првите ВИП гости што пристигнаа во Италија и го искористија времето да го разгледаат градот со своите деца.
View this post on Instagram
Иванка сега се пофали на своите профили на социјалните мрежи со стајлингот што ја носела за првата од трите прослави. Ќерката на американскиот претседател Доналд Трамп облекла светкаво розов мини фустан, додека нејзиниот сопруг се одлучил за класичен темен костум.
View this post on Instagram
Покрај фотографиите, Иванка порачала: „Подготвени да ја прославиме љубовната приказна на нашите пријатели Џеф Безос и Лорен Санчез.“
Милијардерот и поранешната новинарка ќе го изговорат судбоносното „да“, и тоа во бенедиктинската црква од 16 век на островот Сан Џорџо. Церемонијата е закажана за 27 јуни, но прославата ќе трае повеќе денови.
Освен Иванка Трамп, и холивудската елита била на списокот на гости. Том Брејди, Орландо Блум и Опра Винфри пристигнале вчера, како и Ким Кардашијан, Клои Кардашијан, Кендал Џенер, Кајли Џенер и нивната мајка Крис Џенер. Меѓу присутните бил и холивудскиот заводник Леонардо Дикаприо со девојката, топмоделот Виторија Черети.
