Компанијата на Илон Маск, „Спејс-Икс“ вработи 14-годишно момче како софтверски инженер. Тој ќе работи со тим којшто развива софтвер за „Старлинк“.
View this post on Instagram
Каиран Квази (14) сега ќе треба да се пресели во сојузната држава Вашингтон, со неговата мајка, за да почне да работи во компанијата. Како што објави „Бизнис инсајдер“ , тој неодамна дипломирал на Универзитетот на Санта Клара во Калифорнија (САД), станувајќи најмладата личност која некогаш го направила тоа. Според наводите, се работи за извонредно интелигентна личност.
View this post on Instagram
Кога Квази имал девет години, т.е. во трето одделение, наводно неговите родители сфатиле дека училишните задачи му се премногу лесни, па му помогнале на нивниот син да се запише на колеџ. Така, детето го поминало тестот за интелигенција подобро од 99,9 отсто од светското население.
View this post on Instagram
Тој веќе го имал своето работно искуство – во 2022 година стажирал во компанијата „Блекбирд.АИ“ од областа на кибер-безбедноста.
