Пејачката Дуа Липа повторно ги воодушеви своите следбеници со предизвикувачкиот изглед, позирајќи крај море. Таа ја покажа својата импресивна фигура во бела модна комбинација, а објавата за само неколку часа собра повеќе од еден милион допаѓања.
Липа носи бел, полупроѕирен топ со набори, под кој има бел костим за капење со точки. Комбинацијата ја надополни со бели гаќички, нагласувајќи ја својата витка и обликувана линија. Изгледот го надополни со повеќе ѓердани, впечатливи обетки и алки. Темната коса ѝ е пуштена, а изгледа како да носи многу малку шминка.
„Витамин море“, напиша кусо пејачката, а следбениците ѝ дадоа бројни комплименти: „Одлично изгледаш во бело“, „Прекрасна си“, „Каква убава жена. Британска дива“, „Презгодна си за да се издржи“, „Секогаш изгледаш одлично“.
Овој месец, Липа настапи на фестивалот „Сани хил“ на Косово, а неодамна откри дека добила косовско државјанство. Претседателката на Косово, Вјоса Османи, ѝ порача: „Добредојде дома, Дуа.“
„Посебна чест е денес да се додели државјанство на Република Косово на Дуа Липа, една од најзначајните културни и уметнички личности во историјата на нашата земја. Дуа и Косово отсекогаш биле неразделни. Таа беше и останува еден од најсилните гласови на најголемите светски сцени и со своите достигнувања пишува историја, станувајќи инспирација за милиони луѓе ширум светот“, додаде Османи.
Да потсетиме, Дуа Липа е родена во Лондон, во албанско семејство од Косово, кое се преселило во Приштина по прогласувањето на независноста во 2008 година. Кога имала 15 години, таа се вратила во Лондон.
„Се чувствувам бескрајно благодарна што нашата претседателка ми го додели косовското државјанство. Секојпат кога се враќам во Косово, се чувствувам како да се враќам дома“, напиша таа на социјалните мрежи.
Инаку, пејачката веќе неколку години го организира фестивалот „Сани хил“ во Приштина.
Во ноември 2022 година, Липа го доби и албанското државјанство, кое ѝ го додели претседателот Бајрам Бегај. Сега таа вели дека „чувствува како нејзините две страни конечно да се обединиле“.
